iCon

[​IMG]

zawgyi သို့ မဟုတ် unicode

Sunday, December 13, 2015

၄၁ နှစ်မြောက် ရခိုင်ပြည်နယ်နေ့ အထိမ်းအမှတ် ရန်ကုန်တွင် ရခိုင်ရိုးရာ ကျင်ပွဲနှင့် ပျော်ပွဲ ရွှင်ပွဲများ စတင်ကျင်းပ


ရန်ကုန်၊ ဒီဇင်ဘာ ၁၃

၂၀၁၅ ခုနှစ် ဒီဇင်ဘာလ ၁၅ ရက်နေ့တွင် ကျရောက်သော ၄၁ နှစ်မြောက် ရခိုင်ပြည်ပြည်နယ်နေ့ အထိမ်းအမှတ်အနေဖြင့် အကြိုပွဲစဉ်များအဖြစ် ရခိုင်ရိုးရာ ကျင်ပွဲနှင့် အခြားပျော်ပွဲ ရွှင်ပွဲများကို ရန်ကုန်တိုင်း သာကေတ မြို့နယ်ရှိ တိုင်းရင်းသား ကျေးရွာတွင် ဒီဇင်ဘာလ ၁၂ ရက်နေ့က စတင် ကျင်းပ ပြုလုပ်ခဲ့သည်။

ဒီဇင်ဘာလ ၁၅ ရက်နေ့တွင် ၄၁ နှစ်မြောက် ရခိုင်ပြည်နယ်နေ့ကို ရန်ကုန်မြို့ သိမ်ဖြူကွင်းတွင် စည်ကားသိုက်မြိုက်စွာ ကျင်းပသွားမည်ဖြစ်ပြီး၊ အဆိုပါပွဲသို့ အလုပ်မအားလပ်၍ မလာနိုင်သူများအတွက် တိုင်းရင်းသားကျေးရွာတွင် အကြိုပွဲကျင်းပရခြင်းဖြစ်သည်ဟု သိရသည်။ “ဒီလိုမျိုး ရခိုင်ပြည်နယ်နေ့အတွက် အကြိုပွဲကျင်းပရတာကတော့ ဒီဇင်ဘာလ ၁၅ ရက်နေ့ဟာ ရုံးပိတ်ရက်မဟုတ်တဲ့အတွက် လာချင်ပေမယ့် မလာရောက်နိုင်တဲ့ သူတို့အတွက် ဖြစ်ပါတယ်။ အခုလိုမျိုး စနေ့နဲ့ တနင်္ဂနွေ နေ့တွေမှာ ကျင်းပပေးတော့ သူတို့လည်း လာရောက်အားပေးနိုင်တာပေါ့။ ဒီအကြိုပွဲမှာ ရခိုင်ရိုးရာကျင်ပွဲကိုလည်း ထည့်သွင်းကျင်းပပြီးတော့ ရွှေမောင်တန်းမှာ နိုင်တဲ့သူကို ရွှေတစ်ကျပ်သားနဲ့ ငွေသားတွေကို ထိုက်ထိုက်တန်တန် ချီးမြှင့်သွားမှာဖြစ်ပါတယ်”ဟု ရန်ကုန်တိုင်း ရခိုင်တိုင်းရင်းသား ရေးရာဝန်ကြီး ဦးဇော်အေးမောင်က ကျင်ဖွင့်ပွဲတွင် ပြောကြားသွားသည်။

ယခုပြုလုပ်သော ကျင်ပွဲသို့ နာမည်ကြီးကျင်သန်များလည်း လာရောက် ယှဉ်ပြိုင်ကြမည်ဖြစ်ပြီး၊ ဒီဇင်ဘာလ ၁၂ ရက်နေ့တွင် ကျင်းပသော ငွေမောင်းတန်း ပွဲစဉ်သို့ ရခိုင်လူမျိုးများအပြင် စိတ်ဝင်စားသော အခြားတိုင်းရင်းသားများကလည်း လာရောက်ကြည့်ရှု အားပေးခဲ့ကြသည်ဟု သိရသည်။ ရခိုင်ရိုးရာကျင်သည် အဆင်မြင့်ပြီး ၂၀၁၅ ခုနှစ် ကိုးရီးယားရိုးရာ နပန်းပြိုင်ပွဲတွင် ရခိုင်ကျင်သန်တစ်ဦး ရွှေတံဆိပ် ရရှိခဲ့သည်ဟု သိရသည်။

ကိုယ့်ရခိုင်ပြည်နယ်နေ့ကို ရခိုင်သားများက တန်ဖိုးထားမှ ရခိုင်ပြည်နယ်နေ့လည်း တန်ဖိုးရှိမည်ဖြစ်ပြီး၊ ရခိုင်လူမျိုးရှိသရွေ့ ရခိုင်ပြည်နယ် တည်ရှိရမည်ဖြစ်ပြီး၊ ရခိုင်ရိုးရာကျင်လည်း တည်တံ့ရမည်ဟု ဦးဇော်အေးမောင်က ပြောကြားခဲ့သည်။၁၅ ရက်နေ့တွင် ကျရောက်သော ၄၁ ကြိမ်မြောက် ရခိုင်ပြညနယ်နေ့တွင် ဆရာတော်များအား ပင့်ဖိတ်၍ ဆွမ်းကျွေးပြီး၊ အခမ်းအနားအစီအစဉ်များဖြင့် စည်ကားသိုက်မြိုက်စွာ ကျင်းပသွားမည်ဟု သိရသည်။



(Arakan State)

https://www.facebook.com/NarinjaraNews

No comments:

Post a Comment