အရှိန်လွန်သည့်ကား တည်းခိုခန်းအတွင်း ထိဝင်သွား

ရန်ကုန် ဒီဇင်ဘာ ၁၄

ရန်ကုန်မြို့ ကြည့်မြင်တိုင်မြို့နယ် ကမ်းနားလမ်းရှိ တည်းခိုခန်းအတွင်းသို့ ဒီဇင်ဘာ ၁၃ ရက် ည ၉ နာရီကျော်ခန့်က ကိုယ်ပိုင်ယာဉ် တစ်စီး အရှိန်ဖြင့် ဝင်ရောက်တိုက်မှုဖြစ်ပွားခဲ့သည်။ (ယာပုံ)

ဖြစ်စဉ်မှာ ကမ်းနားလမ်းအတိုင်း အလုံမြို့နယ်ဘက်မှ ကြည့်မြင်တိုင်မြို့နယ် ဘက်သို့ ယာဉ်မောင်း ဦးအောင်ကျော်စိုး (၄၈နှစ်) မောင်းနှင်လာသော 6I/-----နစ်ဆန်းအမျိုးအစားယာဉ်သည် ကြည့်မြင်တိုင်မြို့နယ် ထီးတန်းစက်မြေရပ်ကွက် လမ်းထိပ်အရောက်၌ အရှိန်မထိန်းနိုင်မှုကြောင့် လမ်းလယ်ရှိ ကွန်ကရစ်တုံးများကို ဝင်ရောက်တိုက်မိပြီး လမ်းယာဘက် ထီးတန်း(၂)လမ်းထိပ်ရှိ ကျော်တည်းခိုခန်းအတွင်းအထိ ဝင်ရောက်တိုက်မှုဖြစ်ပွားခဲ့သည်။

ယာဉ်တိုက်မှုကြောင့် လမ်းအလယ်ရှိ ကွန်ကရစ်တုံးများပျက်စီးပြီး ကွန်ကရစ်တုံးတစ်တုံးမှာ တည်းခိုခန်းရှေ့အထိ လွင့်ပါလာရာ တည်းခိုခန်းရှေ့ပလက်ဖောင်းပေါ်၌ရပ်ထားသော မော်တော်ဆိုင်ကယ်တစ်စီးနှင့် စက်ဘီးတစ်စီးကိုတိုက်ပြီး တည်းခိုခန်းရှေ့အကာအရံ မှန်ခန်းကို ဖြတ်ကျော်ဝင်ရောက်မှုကြောင့် အတွင်းကောင်တာခုံနှင့်အကာအရံများ ပျက်စီးဆုံးရှုံးခဲ့သည်။

ဝင်ရောက်တိုက်သောယာဉ်မှာ ရှေ့ပိုင်းတစ်ခုလုံးပျက်စီးခဲ့သည်။ အရှိန်ပြင်းထန်စွာ ဝင်ရောက်တိုက်မှုဖြစ်ပွားခဲ့သော်လည်း ယာဉ်မောင်းနှင့် အခြားလူ တစ်စုံတစ်ဦးမျှ ထိခိုက်ဒဏ်ရာရရှိခြင်းမရှိကြောင်း သိရသည်။

( MOI Webportal Myanmar )

https://www.facebook.com/MOIWebportalMyanmar