မိုင်းရှူးမြို့မှ စစ်ဘေးရှောင် ဒုက္ခသည်များ တပ်နေရာချထားမှုနှင့် မြေမြှုပ်မိုင်းများ ကြောင့် နေရပ်မပြန်နိုင်သေး

ရှမ်းပြည်နယ်တောင်ပိုင်း မိုင်းရှူးမြို့နယ်အတွင်းရှိ စစ်ဘေးရှောင်စခန်းများမှ ဒုက္ခသည်များမှာ နေရပ်ပြန်လို သော်လည်း ကျေးရွာအနီးတွင် တပ်နေရာချထားမှုနှင့် မြေမြှုပ်မိုင်းများကြောင့် မပြန်နိုင်သေးကြောင်း စစ်ဘေးရှောင် ဒုက္ခသည်များထံမှ သိရှိရသည်။

“စပါးတို့ ပြောင်းတို့စိုက်ပြီး ပစ်ထားခဲ့ရတာ။ ပြန်ချင်တာပေါ့။ ဒါပေမဲ့ တပ်တွေရွာနားမှာရှိတော့ မပြန်ရဲဘူး။ ပြန်တဲ့ လူတော့ရှိတယ်။ တချို့က သေနတ်နဲ့ ပစ်ခံရလို့ ပြန်လာကြတယ်။ အိမ်မှာ နွားတို့ကြက်တို့လည်း မရှိတော့ဘူး” ဟု ဟိုက်ပါ စစ်ဘေးရှောင်စခန်းတွင် နေထိုင်နေရသည့် တာဆန်ဖူးကျေးရွာမှ စစ်ဘေးဘေးရှောင် နန်းဆိုင်ဖောင်းက ပြောသည်။

တာဆန်ဖူး၊ ကုန်းနန်း၊ နောင်ခတ်ကျေးရွာများမှ ရွာသားသုံးရာဝန်းကျင်မှာ မိုင်းရှူးမြို့ ရပ်ကွက် ၄ ရှိ စစ်ဘေးရှောင်စခန်းတွင် ခိုလှုံနေရပြီး ဒီဇင်ဘာ ၁၂ ရက်တွင် ရှမ်းနှစ်သစ်ကူးနေ့အတွက် နေရပ်ပြန်လိုသော်လည်း တပ်မတော် ထိန်းချုပ်နယ်မြေ ဖြစ်သည့်အတွက် ပြန်နိုင်ခြင်း မရှိခဲ့ကြောင်း သိရသည်။

“လမ်းမကြီးနဲ့ဝေးတဲ့ ဟိုက်ပါမှာ လာခိုလှုံနေတဲ့ ပလောင်ရွာတွေက ဒုက္ခသည်တွေက ကျွန်မတို့ပစ္စည်းတွေ သွားလှူတိုင်း အိမ်ပြန်ချင်နေပြီ၊ အိမ်ပြန်နိုင်အောင် လုပ်ပေးပါ လို့ တောင်းဆိုကြတယ်။ သူတို့ရွာတွေက စစ်ဖြစ်တဲ့နေ ရာတွေမှာမို့ ပြေးလာချိန်မှာ အဝတ်တစ်ထည်၊ ကိုယ်တစ်ခုနဲ့ ဘာမှမပါလာဘူး။ ဒါကြောင့် ပြန်ချင်နေကြတာပါ” ဟု စစ်ဘေးဒုက္ခသည်များကို သွားရောက် ကူညီနေသူ ကျားခေါင်းပါတီမှ နန်းကောင်ခမ်းက ပြောသည်။

ရှမ်းပြည်နယ် တောင်ပိုင်းတွင် ဒီဇင်ဘာလဆန်းပိုင်းအတွင်း စစ်ပွဲများ ရပ်တန့်သွားခဲ့ပြီးနောက် စစ်ဘေးရှောင်ဒုက္ခ သည်အများစုမှာ နှစ်ဖက် စစ်တပ် နေရာချထားမှု မပြီးဆုံးသေးခြင်းနှင့် မြေမြှုပ်မိုင်း အန္တရာယ်များကြောင့် နေရပ်
မပြန်နိုင်ခြင်း ဖြစ်သည်။


(The Ladies News)

https://www.facebook.com/News.TheLadies/