#htmlcaption1 Go UP! Pure Javascript. No jQuery. No flash. #htmlcaption2 Stay Connected

zawgyi သို့ မဟုတ် unicode

Friday, January 1, 2016

Messi ကို မန်စီးတီးဆီ ရောင်းချဖွယ်ရှိပြီး Neymar ကို စာချုပ်သက်တမ်းတိုးဖို့ ကြိုးစားနေတဲ့ ဘာစီလိုနာ


မန်စီးတီးအသင်းကတော့ ဘာစီလိုနာတိုက်စစ်မှူး Messi ကို ပေါင်သန်း ၁၂၀ လောက်နဲ့ ခေါ်ယူဖို့တာစူနေပြီး ကမ္ဘာ့စံချိန်တင်ပြောင်းရွှေ့ကြေးကို ချိုးဖျက်နိုင်ဖို့ ကြိုးစားလျက်ရှိနေပါတယ်။ Messi သာ အမှန်တကယ်ရောက်ရှိလာမယ်ဆိုရင်တော့ မန်စီးတီးအသင်းအနေနဲ့ တစ်ပတ်ကို ပေါင်ရှစ်သိန်းလောက်ပေးဖို့ အဆင်သင့်ဖြစ်နေတယ်လို့လည်း သိရပါတယ်။ 

အခုနောက်ဆုံးသတင်းတွေအရတော့ ဘာစီလိုနာအသင်းဟာ Messi ကို အခြားအသင်းတွေကိုရောင်းချဖို့အတွက် ဘုတ်အဖွဲ့အစည်းအဝေးတွေကိုတောင် ပြုလုပ်နေပြီလည်း ဖြစ်ပါတယ်။ အရင်ကာလတွေတုန်းကတော့ ဘာစီလိုနာအသင်းဟာ Messi ကို ဆုံးရှုံးရမှာကို ကြောက်နေခဲ့ပေမယ့်လည်း ယခုရာသီ Messi ဒဏ်ရာရခဲ့တဲ့ ကာလမှာတော့ Neymar နဲ့ Suarez တို့က အသင်းကို ဟန်မပျက်အောင် ဆက်ထိန်းထားနိုင်ခဲ့တာကြောင့် ဘာစီလိုနာအနေနဲ့ အခုလို Messi ကို ရောင်းချပြီး ငွေရှာဖို့ စိတ်ဝင်စားလာတာလည်း ဖြစ်ပါတယ်။ 


ဒါ့ကြောင့် အကယ်လို့သာ Messi ကို ရောင်းချဖြစ်ခဲ့ရင် ဘာစီလိုနာအသင်းအနေနဲ့ အသင်းကို cover ပြန်ဖြစ်စေဖို့အတွက် အခြားတိုက်စစ်မှူးတွေကို သက်တမ်းရှည်စာချုပ်တွေနဲ့ ထိန်းထားနိုင်ဖို့ ကြိုးစားနေခဲ့တာဖြစ်ပါတယ်။ 
အထူးသဖြင့်တော့ ဘရာဇီးတိုက်စစ်မှူး Neymar ကို ပထမ ဦးစားပေးအနေနဲ့ စာချုပ်သက်တမ်းတိုးဖို့ ကြိုးစားနေခဲ့တာဖြစ်ပါတယ်။ 

Neymar ဟာ ဘာစီလိုနာအသင်းအတွက် အကောင်းဆုံးခြေစွမ်းနဲ့ အကျိုးပြုနေပြီး Messi ဒဏ်ရာကြောင့် မပါဝင်နိုင်ချိန်မှာလည်း စွဲမက်ဖွယ်ခြေစွမ်းနဲ့ အသင်းကိုထိန်းထားနိုင်ခဲ့ပါတယ်။ Messi ကတော့ ဘာစီလိုနာအသင်းမှာ ၁၃ နှစ်အရွယ်တည်းက ပါဝင်ကစားခဲ့ပြီးတော့ ယခုတိုင် ကစားနေတာပါ။ မန်စီးတီးကတော့ ဒီအသက် ၂၈ နှစ်အရွယ်တိုက်စစ်မှူးကို ခေါ်ယူဖို့အတွက် အသင့်ဖြစ်နေပါတယ်။ 

မန်စီးတီးအသင်းဟာ တရုတ်မီဒီယာအုပ်စုကြီးတစ်ခုကို ရှယ်ယာ ၁၀ ရာခိုင်နှုန်းကို ရောင်းချလိုက်ပြီးတဲ့နောက်မှာ ပိုမိုပြီး ငွေကြေးအင်အားတောင့်တင်းလာခဲ့တာဖြစ်ပါတယ်။ 

Messi ကလည်း ဘာစီလိုနာအသင်းမှာ တစ်ပတ်ပေါင်ငါးသိန်းနဲ့ ကစားနေရတာကို ပျော်ရွှင်နေပေမယ့်လည်း စပိန်နိုင်ငံရဲ့ အခွန်ကောက်ခံမှုကိုတော့ စိတ်ပျက်လျက်ရှိနေပါတယ်။ ဒီကိစ္စကို မန်စီးတီးအသင်းက အခွင့်အရေးယူပြီး ကြိုးပမ်းသွားမှာဖြစ်ပြီး တစ်ပတ်ကို ပေါင်ရှစ်သိန်းအထိ ပေးချေသွားပေးမှာလည်း ဖြစ်ပါတယ်။ မန်စီးတီး အမှုဆောင်ချုပ် Soriano နဲ့ ဒါရိုက်တာ Begiristain တို့ဟာ ဘာစီလိုနာအသင်းမှာ Guardiola နဲ့ အတူ အလုပ်လုပ်ခဲ့ဖူးပြီး ခိုင်မာတဲ့ ဆက်ဆံရေးတွေ ရှိနေတာကြောင့် မန်စီးတီးအနေနဲ့ နည်းပြ Guardiola နဲ့ Messi တို့ကို တစ်ပါတည်း အရခေါ်ဖို့ အခြေအနေပိုကောင်းနေခဲ့တာလည်း ဖြစ်ပါတယ်။ 

0 comments:

Post a Comment