Android One အသုံးပြုပြီးသူတစ်ဦး၏ သုံးသပ်ချက်

Android One ဆိုတာကတော့ Google ရဲ့ သတ်မှတ်ချက်တွေနဲ့ ထုတ်လုပ်ရတဲ့ ဖုန်းအမျိုးအစားကို ခေါ်တာပါ။ တနည်းအားဖြင့်တော့ Google အသိအမှတ်ပြု ဖုန်းပေါ့။
မြန်မာနိုင်ငံအတွက် ပထမဆုံး Android One ကို Cherry Mobile မှစတင်မိတ်ဆက်ခဲ့ပြီး အခုဆို ဈေးကွက်မှာ ဝယ်လို့ရနေပါပြီ။
Lowend (အနိမ့်)ဖုန်းလို့ သတ်မှတ်နိုင်ပေမယ့်၊ Lollipop ရတဲ့အပြင်၊ ပေးရတာနဲ့ ပြန်ရတာ အများကြီးတန်တဲ့ ဖုန်းဖြစ်တဲ့အတွက်၊ ပြည်တွင်း Android ချစ်သူများ ဈေးကွက်မှာ အကြိုက်တွေ့နေကြပါတယ်။

Android ချစ်သူတစ်ယောက်ဖြစ်တဲ့အတွက် ကျွန်တော်ကိုယ်တိုင်လည်း Android One ကို မှာယူဖြစ်ခဲ့ပါတယ်။ ဒီသုံးသပ်ချက်ဟာ ကျွန်တော် အသုံးပြုရင်းရလာတဲ့ သုံးသပ်ချက်ပဲဖြစ်ပါတယ်။

နောက်ဆုံးပေါ် Android Version ပထမဆုံး သုံးရတဲ့ ခံစားချက်ကို
Android One ကို ဝယ်ယူရတဲ့ ရည်ရွယ်ချက်ကိုက သူများနဲ့ မတူပဲ Android အသစ်ထွက်တာနဲ့ သုံးချင်တဲ့ စိတ်ကြောင့်ပါ။ အခုဆို Android Lollipop 5.1.1 ရဲ့ အရသာကို တခြား ဈေးကြီးဖုန်းသုံးသူတွေ မသိခင်မှာ၊ ကိုယ်က အရင်ဆုံးသိနေပါပြီ။
Google ရဲ့ Nexus ဖုန်းတွေနဲ့ တန်းတူသုံးလို့ရနိုင်တဲ့ ခံစားချက်ကို Android ချစ်သူများသာ နားလည်ပါလိမ့်မယ်။
ဒီဖုန်းကို ဝယ်ပြီး၊ ဖောက်ဖောက်ချင်းမှာပဲ Android 5.1.1 update ရနေပြီဆိုတဲ့ အကြောင်းကြားချက်ကို ရမှာဖြစ်ပါတယ်။

ကိုင်ရတဲ့ feeling

ဈေးချိုသာတဲ့အတွက်၊ အပေါစားကို ကိုင်ရသလိုဖြစ်မယ်လို့ထင်ရင်တော့ မှားသွားပါလိမ့်မယ်။ ကိုင်ရတာ အတော်လေးကို စေးစေးပိုင်ပိုင်ရှိလှပါတယ်။ ကျွန်တော် အရင်က Galaxy SII ကိုင်ခဲ့သလို feeling မျိုးကို ရပါတယ်။ တချို့ တစ်သိန်းဝန်းကျင် ဖုန်းတွေလိုမျိုး ပေါ့ရွှတ်နေပြီး၊ ကိုင်ရတာ အပေါစားဆန်သလို မဖြစ်နေတာက သူ့ရဲ့ အားသာချက်ပါ။

Dual SIM
သိတဲ့အတိုင်း operator ၃ ခုလုံးကို အိတ်ထဲထည့်သွားနေရတော့ SIM တစ်ခုတည်းထည့်လို့ရတဲ့ ဖုန်းတွေနဲ့ အဆင်ကို မပြေတော့တာ။ ဒီဖုန်းက Dual SIM လည်း ဖြစ်တော့ Ooredoo တစ်ကဒ်၊ MPT တစ်ကဒ်ထည့်ပြီး အဆင်ပြေနေပါတယ်။

Battery သက်တမ်း
Battery ကတော့ mAh နည်းနည်းပဲပါပေမယ့်၊ Android Lollipop ရဲ့ အဆင့်မြင့် ထိန်းချုပ်ပေးမှုကြောင့် ညဘက်အားအပြည့်သွင်းပြီးရင်၊ နောက်နေ့ တစ်နေကုန် အင်တာနက် အမြဲချိတ်ထားပြီးသုံးတာ အဆင်ပြေပါတယ်။
Facebook ကိုတော့ ကျွန်တော်က Facebook Lite ပဲသုံးတဲ့သူမို့ ကျွန်တော့်အတွက်တော့ အတော်လေး အဆင်ပြေပါတယ်။
Google Chrome ပေါ်ကသုံးရင်တော့ အနည်းငယ် battery ပိုစားတယ်လို့ ခံစားရပါတယ်။ ဒါပေမယ့်လည်း ဒီဈေးနဲ့ ဒီဖုန်းမို့ ကျေနပ်စရာပါ။

Screen Resolution

ကျွန်တော်မကြိုက်ဆုံးအချက်ကတော့ screen ပါပဲ။ resolution နည်းတဲ့ အတွက် တစ်ချက်တစ်ချက်တော့ ဝါးသလိုလိုထင်ရပါတယ်။ ဒါကလည်း Samsung ဖုန်းတွေသုံးလာတာများတော့ AMOLED screen မှပဲ မျက်စိတွေ့ပါတယ်။ အကျယ်အဝန်းကတော့ ၄.၅ လက်မဖြစ်လို့၊ မဆိုးဘူးလို့ပြောလို့ရပါတယ်။ ဒါပေမယ့် တခြား ၁ သိန်း ဝန်းကျင်ဖုန်းတွေနဲ့ ယှဉ်လိုက်ရင်တော့ Android One ဖုန်းက တော်တော်ကောင်းပါသေးတယ်။

သိမ်းဆည်းနိုင်စွမ်း

Storage က 8GB ပါပြီးသားပါ။ တခြား Google ရဲ့ Nexus ဖုန်းတွေနဲ့ မတူတာက SD card ပေးထည့်ပြီး 64GB ထိ အထောက်အပံ့ပေးထားပါတယ်။
ကျွန်တော့်အတွက်တော့ လောလောဆယ် 8GB နဲ့တင်လောက်နေပါသေးတယ်။

မြန်ဆန်မှု

Processor ကတော့ MTK Quad Core 1.3GHz ကိုသုံးထားပါတယ်။
Lollipop ကြောင့်ပဲလို့ထင်ပါတယ်။ တကယ်ကို မြန်မြန်ဆန်ဆန်သုံးလို့ရတာပါ။ အထဲမှာ RAM က 1GB ပဲပါပေမယ့်၊ တခြားဖုန်းတွေနဲ့ မတူပဲ မြန်ဆန်ပါတယ်။ တခြားဖုန်းတွေမှာ Google+ သုံးမရအောင် နှေးပေမယ့်၊ Android One ဖုန်းပေါ်မှာတော့ ကောင်းကောင်းသုံးလို့ရပါတယ်။ ဂိမ်းအကြီးကြီးတွေတော့ မဆော့ကြည့်ရသေးပါဘူး။ ဒါပေမယ့် COC သမားတွေတော့ ကောင်းကောင်းဆော့လို့ရမှာပါ။

Camera
5MP (B) နဲ့ 2MP (F) ဖြစ်တဲ့အတွက် camera သမားတွေကတော့ သိပ်ကြိုက်ကြမယ်မထင်ပါဘူး။ ဒါပေမယ့် ဒီဈေးနဲ့ ဒီထက်ပိုရဖို့လည်း မတောင်းဆိုသင့်တော့ပါဘူးလေ။ ကျွန်တော် ရိုက်သလောက်တော့ အတော်အသင့်ကွာလတီတော့ ရပါတယ်။

FM Radio
ခုခေတ်မှာ ဖုန်းတွေမှာ FM တစ်ခါတည်းပါမလာကြတော့ပါဘူး။ ကျွန်တော်ကတော့ တစ်ခါတစ်လေ FM လေးလည်း နားထောင်တတ်တော့၊ ဒီဖုန်းမှာပါလာတာကို ကြိုက်ပါတယ်။ တစ်ခါတည်းပါလာတဲ့ နားကြပ်နဲ့အတူ FM နားထောင်ရ အဆင်ပြေပါတယ်။

ဈေးနှုန်း
၁၀၉,၀၀၀ ကျပ်ဖြင့် ရောင်းချနေတယ်လို့ သိရပါတယ်။ အထက်မှာပြောခဲ့သလိုပါပဲ ဒီဈေးနဲ့ ဒီဖုန်းရဖို့ဆိုတာ တော်တော်မဖြစ်နိုင်တာပါ။ နောက်လာမယ့် Android version တွေကိုလည်း ၂ နှစ်အထိ အာမခံပေးထားပါတယ်။ အဲဒီ့တော့ အခု ၂၀၁၅ ကနေ ၂၀၁၇ အထိ ကြားထဲမှာ ထွက်သမျှ Android version တွေကို ဖုန်းအသစ်ထပ်ဝယ်စရာမလိုပဲနဲ့ ရရှိမှာပါ။ သူငယ်ချင်းတွေက Android Lollipop မကိုင်နိုင်သေးချိန်၊ ကိုယ်က lollipop အသစ်နဲ့ ကြွားလို့ရတာပေါ့။

အခုဝယ်မယ်ဆိုရင် ထပ်ညွှန်းချင်တာတစ်ခုရှိပါတယ်၊ ကြော်ငြာဆိုပါတော့။ ကျွန်တော်နဲ့တော့ ဘာမှမဆိုင်ပါဘူး။ ဒါပေမယ့် ကျွန်တော်က GroupBuy ကနေ ပိုက်ဆံကြိုပေး ကြိုမှာ၊ discount နဲ့ ဝယ်ထားတာဖြစ်လို့ ၉၆,၀၀၀ ကျပ်နဲ့ ရထားပါတယ်။ ၁၃,၀၀၀ ဆိုတာ ကျွန်တော်တို့အတွက်တော့ ၁ ပတ်ခွဲစာလောက် အသုံးစရိတ်ဖြစ်ပါတယ်။ ဒီလိုချွေတာလို့ ရနိုင်တာဆိုတော့၊ GroupBuy ကနေပြီး ဝယ်နိုင်အောင် ညွှန်းပေးတာပဲ ဖြစ်ပါတယ်။

https://www.facebook.com/GroupBuyMyanmar/photos/a.854498231251991.1073741828.853859471315867/854331847935296/

ပြီးတော့ Google Developer Group Yangon (GDG Yangon) မှလည်း ၎င်းတို့ အဖွဲ့ဝင်များကို ဈေးနှုန်း တစ်သိန်းအောက်နဲ့ Discount ချ ရောင်းချပေးကြ ပါတယ်။

Credit :Aung Ko Htet