RAM 4GB(LPDDR4) ပါဝင်မည့် OnePlus2 ဖုန်းကို ဇူလိုင် ၂၇ ရက်နေ့တွင်မိတ်ဆက်မည်

တန်ဖိုးသင့်ပြီး Hardware/Software အချက်အလက်တွေမြင့်မားတဲ့ OnePlus One ဖုန်းကတော့ ကမ္ဘာ့ဖုန်းဈေးကွက်မှာလူကြိုက်များတဲ့ဖုန်းတစ်လုံးဖြစ်ခဲ့ပါတယ်။ ယခု OnePlus 2 ကိုထပ်မံမိတ်ဆက်တော့မှာဖြစ်ပါတယ်။ OnePlus 2 ဖုန်းကတော့တော်တော်လေးလန်းတယ်လို့ဆိုရမှာပါ။ RAM အနေနဲ့ 4GB (LPDDR4) သုံးထားပါတယ်။ ဖုန်းရဲ့CPU ကိုတော့ the “improved” Qualcomm Snapdragon 810 processor ကိုသုံးထားပါတယ်။ “improved” ဆိုတာကိုထည့်ပြောရခြင်းအကြောင်းကတော့ ယခင်ထွက်ရှိထားတဲ့ Snapdragon 810 processor တွေဟာ အပူလွန်ကဲတဲ့ပြသာနာရှိပါတယ်။ ယခု OnePlus2 မှာသုံးထားတဲ့ Qualcomm Snapdragon 810 processor ကတော့ ယင်းပြသာနာအားလုံးကိုဖြေရှင်းပြီးပိုကောင်းအောင်အဆင့်မြှင့်တင်ထားတာပါ။

OnePlus 2 မှာတော့ ယခင်ဖုန်းတွေမှာသုံးထားတဲ့ USB Port မဟုတ်တော့ဘဲ USB Type-C Port ကိုအသုံးပြုထားတယ်လို့သိရပါတယ်။ လက်ရှိမှာ USB Type-C ကိုအသုံးပြုထားတာဟာ Apple ရဲ့ New Macbook သာရှိသေးပြီး ယခု OnePlus 2 ဟာဆိုရင်တော့ USB Type-C Port ကိုအသုံးပြုထားတဲ့ ဒုတိယမြောက် Device ၊ မိုဘိုင်းဖုန်းတွေထဲမှာဆိုရင်တော့ USB Type-C Port ကိုအသုံးပြုထားတဲ့ ပထမဆုံးဖုန်းဖြစ်လာမှာပါ။ ဒါ့အပြင် FingerPrint Sensor လည်းထည့်သွင်းထားတယ်လို့သိရပါတယ်။

OnePlus One ဖုန်းမှာတုန်းက ပလတ်စတစ်ကိုယ်ထည်ကိုအသုံးပြုခဲ့ပေမယ့် OnePlus 2 ဖုန်းကိုတော့ Metal ဘေးဘောင်နဲ့ထွက်ရှိလာမယ်လို့သိရပါတယ်။ OnePlus ဖုန်းတွေကိုထုတ်လုပ်သူ Pete Lau ကတော့ OnePlus 2 ဖုန်းတွေဟာဈေးကြီးမှာမဟုတ်ဘဲ ဒေါ်လာ ၄၅၀ အောက်ဝန်းကျင်ဖြင့် ၀ယ်ယူနိုင်မယ်လို့ကတိပေးကြောင်းဆိုထားပါတယ်။

ဘာပဲဖြစ်ဖြစ် Hardware/Software Specification မြင့်မားပြီးတန်ဖိုးအလယ်အလတ်လောက်နဲ့ထွက်ရှိလာမယ့် OnePlus 2 ဖုန်းဟာ ပြိုင်ဘက် Android ဖုန်းတွေကိုတုန်လှုပ်စေမယ့် ဖုန်းတစ်လုံးအဖြစ်ရောက်ရှိလာတော့မှာကတော့ သေချာနေပါပြီ။ OnePlus 2 နဲ့ပတ်သက်တဲ့သတင်းအချက်အလက်များကို အသစ်ရရှိတိုင်းထပ်မံတင်ဆက်ပေးသွားပါဦးမယ်။

Credit :Thet Naing Soe (Myanmar Mobile App Store)