လူတွေ့စစ်ဆေးမှုတစ်ခုတွင် အာရုံစိုက်ခံရသည့် အချက်များ

သင့်မှာလူတွေ့အင်တာဗျူး စစ်ဆေးခြင်းခံရဖို့ ရှိနေတယ်ဆိုပါစို့။ အဖြေတွေလည်း အဆင့်သင့်ဖြစ်နေပြီဆိုပါစို့။ သင့်ကိုယ်ရေးမှတ်တမ်းထဲက အချက်တွေနဲ့ အလုပ်နှင့်ပတ်သက်တဲ့ မေးခွန်းတစ်ချို့ကို ဖြေလိုက်ခြင်းတို့က သင်ထိုအလုပ်ရဖို့ အထောက်အပံ့ပေးလိမ့်မယ်လို့ထင်ပါသလား။ တစ်ခါတစ်ရံတော့ ထိုကဲ့သို့ ဖြစ်ကောင်းဖြစ်နိုင်ပေမဲ့ လက်တွေ့မှာ အများအားဖြင့်တော့ ထိုသို့မဟုတ်ပါ။ သင့်အနေဖြင့် အခြေခံအကြောင်းအရာတွေအပြင် အများကြီး ပိုသိထားဖို့ လိုအပ်ပါတယ်။

ဒါကြောင့် လူတွေ့စစ်ဆေးမှု ခံယူဖို့သွားတဲ့အခါတိုင်း သင့်ကိုယ်ရေး မှတ်တမ်းတစ်ခုတည်းက သာ ထိုအလုပ်ကို ရရှိနိုင်စေမဲ့ အဓိကအချက်ဖြစ်တယ် ဆိုတဲ့အတွေးနဲ့မသွားပါနဲ့။ အလုပ်ခေါ်သူတွေ အာရုံစိုက်သော အခြားအရာတွေ အများအပြားရှိပါတယ်။ ဘာတွေလဲဆိုတာ သင်တောင်တွေးမိမှာ မဟုတ်ပါဘူး။ လူတွေ့စစ်ဆေးမေး မြန်းသူတွေက သင့်ထံမှဘာကိုမျှော်လင့်တယ် ဆိုတာကိုသိလိုပါက ဒီဆောင်းပါးကိုဆက်ဖတ်ပါ။

၁။ မေးခွန်းများဖြေဆိုရာတွင် ဘယ်လောက်နိုင်နိုင်နင်းနင်း ရှိပါသလဲ။

စစ်ဆေးမေးမြန်းသူပြောနေတာကို သေသေချာချာ နားထောင်ပါ။ သူက သင့်နားထောင်ခြင်းစွမ်းရည်တွေကို စစ်ဆေးနေတာ ဖြစ်နိုင်ပြီး သင့်အနေဖြင့် မှန်မှန်ကန်ကန် မဖြေနိုင်တာကို တွေ့ရှိသွားပါက သင့်အတွက် မကောင်းသော ကောက်ချက်ချသွား နိုင်ပါတယ်။

၂။ ကုမ္ပဏီအကြောင်းဘာတွေကို သိထားပါသလဲ။

လူတွေ့စစ်ဆေးမှုမတိုင်မီ ကုမ္ပဏီအကြောင်းသုတေသနပြုလုပ်ရန် အချိန်ယူပါ။ ဘယ်လိုမျိုး ပါဝင်ပတ်သက်ရမှာလဲ ဆိုတာကိုသိထားဖို့က အရေးကြီးပါတယ်။ မေးမြန်းသူက ကုမ္ပဏီ နှင့်ပတ်သက်လို့ ဘာတွေမေးမယ် ဆိုတာကို ဘယ်သူသိနိုင်မှာလဲ။ ဒါ့ကြောင့် ရနိုင်သမျှသော အချက်အလက်များကို အင်တာနက်ထဲက ရှာယူပါ။

၃။ သင်လိုချင်တဲ့အလုပ်နေရာအကြောင်း သင်သိပါရဲ့လား။

ပထမဦးဆုံးကတော့ ကိုယ်ဘာမျှနားမလည်တဲ့အလုပ်ကို မလျှောက်ပါနှင့်။ ကြုံရာအလုပ်ကို လျှောက်ခြင်းမလုပ်ပါနှင့်။ အကြောင်းမှာ-လူတွေ့စစ်ဆေးမေးမြန်းသူတွေက သင်ဘာတွေပြောနေတယ် ဘာကိုလိုချင်တယ်ဆိုတာတွေကို သင်မသိဘူးဆိုတာကို ချက်ချင်းသိကြပါလိမ့်မယ်။ အဲဒီအစား အလုပ်အကြောင်းကို နားလည်ပြီးမှလျှောက်ပါ။ သင့်အနေအထားနှင့် ကိုက်ညီရင်ပေါ့လေ။

၎။ သင့်ကိုယ်လက်အမူအရာက ဘာတွေပြောနေပြီး သင့်ရဲ့မျက်လုံးအကြည့်က ဘယ်လောက်တည်မြဲပါသလဲ။

ဟုတ်ပါပြီ။ လူတိုင်းကတော့ လူတွေ့စစ်ဆေးခြင်းခံနေရတဲ့အချိန်မှာတော့ စိတ်လှုပ်ရှားကြတာပါပဲ။ စစ်ဆေးမေးမြန်းသူတွေက ဒါကိုနားလည်ကြပါတယ်။ သို့သော် သင့်စိတ်ထဲမှာ ခံစားနေရတဲ့ ဘယ်အရာကိုမဆို ဖော်ပြနိုင်ရန် ပိုပိုသာသာမကြိုးစားပါနှင့်။ အကြောင့်မှာ သင့်ကိုယ်လက်အမူအရာနှင့် သင့်မျက်လုံးအကြည့်တို့က အမှန်တရားကိုဖော်ပြနေပါတယ်။ ဒါကြောင့် ပြုံးပါ။ စိတ်ကိုသက်သက်သာသာထားပြီး သင်အမှန် တကယ်ဘယ်သူဖြစ်ကြောင်းကို ရိုးသားစွာပြသွားပါ။

၅။ သင်သည်အမျိုးစုံသောလုပ်ငန်းတာဝန်လုပ်နိုင်သူဖြစ်ပြီး ပြဿနာများကိုဖြေရှင်းနိုင်သော စွမ်းရည်များရှိပါသလား။

သင်သည်သင့်လုပ်ငန်းတာဝန်အတွက် အလွန်သင့်တော်သောသူဖြစ်နိုင်ပါတယ်။ သို့သော် လိုအပ်တာထက်ကိုယ်က ပိုပြီး လုပ်နိုင်ကြောင်း ကမ်းလှမ်းနိုင်ပါက ပိုကောင်းပါတယ်။ သင့်ရဲ့အမျိုးစုံသောလုပ်ငန်းတာဝန်တွေ လုပ်နိုင်ခြင်းနှင့်ပြဿနာများကို ဖြေရှင်းနိုင် သောအစွမ်းနှင့် ပတ်သက်သော ဇာတ်ကြောင်းတွေ ဥပမာတွေကို ပြန်လည်သတိရပါ။ ထိုအကြောင်းအရာများနှင့် သက်ဆိုင်သော မေးခွန်းများကို ဖြေနိုင်ရန်အဆင်သင့်ဖြစ်နေပါစေ။ ဒါဆိုရင်အမှတ်ပိုရနိုင်တာ သေချာပါတယ်။

၆။ သင် သင့်အသင်းအဖွဲ့နှင့်နေတတ်သူတစ်ယောက်ဖြစ်ပြီး စတင်ဆောင်ရွက်တတ်သူ တစ်ဦးဖြစ်ပါသလား။

လူတွေ့စစ်ဆေးမေးမြန်းသူများသည် လူအများနှင့် ပူးပေါင်းဆောင်ရွက်တတ်သည် (team-player)ဖြစ်ခြင်းကို အထူးအလေးထားပါသည်။ မိမိအသင်းထဲက လူတွေကိုယ့်အနားမှာရှိနေတဲ့အတွက် စိတ်မသက်မသာရှိတတ်ပါက ဘယ်လိုနည်းနှင့်သင်ဝင်ရောက်မဲ့ ကုမ္ပဏီနှင့်အလုပ်တို့မှာ အဆင်ပြေနိုင်ပါ့မလဲ။ သင့်အနေဖြင့် အောင်မြင်လိုပါက မိမိရဲ့ လူများနှင့် လိုက်လျှောညီထွေနေတတ်သူဖြစ်အောင် ကြိုးစားပါ။ ထို့အပြင် ကိုယ်က စတင် ဆောင်ရွက်တတ်တဲ့သူဖြစ်ပါက ပိုတောင်မှကောင်းပါတယ်။ ဆိုလိုတာကတော့ သင့်လုပ်သမျှကို စီမံအုပ်ချုပ်သူတွေရဲ့ သတ်မှတ်လမ်းညွှန်မှုကို စောင့်မနေဘဲ ကိုယ်ဟာကိုယ် စတင်လုပ်ဆောင်နိုင်ခြင်းကို ပြောတာဖြစ်ပါတယ်။

၇။ မိမိရဲ့ ကိုယ်ရေးမှတ်တမ်းကို မိမ်ကိုယ်တိုင်ဖတ်ကြည့်ဖူးပါသလား။

ဒါကတော့အများကြီးဖြစ်တတ်ပါတယ်။ လူအများစုက သူတစ်ပါးအထင်ကြီးမဲ့ ကိုယ်ရေးမှတ်တမ်းများ ယူလာကြပေမဲ့ မှတ်တမ်းအထဲမှာဘာရေးထားသလဲဆိုတာကို မသိကြပါဘူး။ ဒါကြောင့်အခုအချိန်ကစပြီး လူတွေ့စစ်ဆေးခြင်း မခံမီ သင့်ကိုယ်ရေး မှတ်တမ်းကို မပျက်မကွက်ဖတ်သွားပါ။ ထိုသို့ပြုလုပ်ခြင်းသည် ယုံကြည်ချက် ပိုရှိစေသည့်အပြင် မေးမြန်းသူ အမြင်မှာလည်း သင်သည် သင်လိုချင်တာနဲ့ပတ်သက်လို့ အလေးထားကြောင်းနှင့် သင်ဟာအစစ်အမှန်ဖြစ်တယ်လို့ ယူဆသွားမှာ ဖြစ်သွားမှာဖြစ်ပါတယ်။

တကယ်တော့ ဒါကလွယ်မယောင်နှင့်ခက်ခဲတယ်-ဆိုတာကိုမမေ့ပါနှင့်။ သင့်အနေနှင့် လူတွေ့စစ်ဆေးခြင်းမှာ ကောင်း ကောင်းလုပ်နိုင်ခဲ့တယ်လို့ ထင်ကောင်းထင်နိုင်ပါတယ်။ ဒါပေမဲ့ ဒီအခြေခံအချက်တွေကို နားလည်းမလည် လိုက်လည်း မလိုက်နာပါက ဘာကြောင့်လဲဆိုတဲ့ အကြောင်းအရင်းကိုပင် မသိလိုက်ရဘဲနှင့် ငြင်းပယ်ခံရနိုင်ပါတယ်။

Source : Myanmar Network 

အဆင်ပြေပါစေ..