ရေဘေးဒဏ်သင့် လူထု ကူညီရေး ဒေါ်လာ သန်း ၅၀ ထက် မနည်း လိုမည်

 မြန်မာနိုင်ငံက ရေဘေး အရေးပေါ် ကယ်ဆယ်ရေးလုပ်ငန်းတွေအတွက် ရံပုံငွေ အနည်းဆုံး သန်း ၅၀ လောက် လိုအပ်မယ်လို့ ကုလသမဂ္ဂ လူသားချင်းစာနာမှု ဆိုင်ရာ ပူးပေါင်းဆောင်ရွက်ရေးအဖွဲ့ UN-OCHA က ခန့်မှန်းလိုက်ပါတယ်။ ရေဘေး အရေးပေါ် ကယ်ဆယ်ရေးလုပ်ငန်း အတွက် ကုလသမဂ္ဂ အရေးပေါ် ကူညီကယ်ဆယ်ရေး ဌာနက လက်ရှိ ထုတ်ပေးထားတဲ့ ဒေါ်လာ ၉ သန်းနဲ့တင် မလုံလောက်ပဲ နောက်ထပ် ရံပုံငွေ အများအပြား လိုအပ်မယ်ဆိုတာကို UN-OCHA အဖွဲ့က ကြေညာချက် ထုတ်ပြန်ကြောင်း သောကြာနေ့က ကုလသမဂ္ဂဌာန ချုပ်မှာ ပြုလုပ်တဲ့ ပုံမှန် သတင်းစာရှင်းလင်းပွဲအတွင်း အတွင်းရေးမှူးချုပ် ရဲ့ ပြောခွင့်ရပုဂ္ဂိုလ် Stephane Dujarric က ပြောပါတယ်။

 “ မနေ့ကအထိတော့ လူပေါင်း ၁၀၃,၀၀၀ အတွက် အစားအစာ မက်ထရစ်တန်ချိန် ၄၀၀ ကို အကူအညီ ပို့ပေးပြီး ဖြစ်သလို ရေသန့်စင်ရေး ဆေးပြားပေါင်း ၆၂၀,၀၀၀ အပါအ၀င် စားနပ်ရိက္ခာနဲ့ တခြား လိုအပ်တဲ့ ပစ္စည်းတွေကို ပို့ပေးနိုင်ခဲ့ပါတယ်။ အခုချိန်မှာ ရေဘေးဒဏ် အဆိုးရွားဆုံး ခံခဲ့ရတဲ့ ဒေသတွေက အရေးပေါ် အကူအညီလိုအပ်နေသူတွေထံကို အကူအညီတွေ ပို့ပေးနိုင်နေပြီ ဖြစ်ပြီး တခြားနေရာတွေကို ရောက်နိုင်ဖို့အတွက်လည်း အစွမ်းကုန် ကြိုးစား ဆောင်ရွက်နေပါတယ်လို့ ကုလသမဂ္ဂလူသားချင်း စာနာမှုဆိုင်ရာ ယာယီ ပူးပေါင်းဆောင်ရွက်ရေးမှူး Eamonn Murphy (အီမွန် မာဖီ) က ပြောပါတယ်။ ကုလသမဂ္ဂ အရေးပေါ် ကူညီကယ်ဆယ်ရေးဌာန အကြီးအကဲ Stephen O’Brien ကလည်း မြန်မာနိုင်ငံ ရေဘေးကယ်ဆယ်ရေးမှာ သုံးစွဲဖို့ အရေးပေါ် ရံပုံငွေ ဒေါ်လာ ၉ သန်း ထုတ်ပေးလိုက်ပြီ ဖြစ်ပါတယ်။”

ကုလသမဂ္ဂ၊ နိုင်ငံတကာ အကူအညီပေးရေး အဖွဲ့အစည်းတွေ၊ မြန်မာနိုင်ငံ ကြက်ခြေနီအဖွဲ့၊ အရပ်ဖက် လူမှုအဖွဲ့အစည်းတွေဟာ မြန်မာအစိုးရရဲ့ ဦးဆောင်မှုအောက်မှာ ကူညီ ကယ်ဆယ်ရေးလုပ်ငန်းတွေကို အရှိန်မြင့် လုပ်ဆောင်နေပြီဖြစ်ကြောင်း UN-OCHA အဖွဲ့ ကြေညာချက် ထဲမှာ ဖော်ပြထားပါတယ်။ မြန်မာအစိုးရ လူမှုဝန်ထမ်းနဲ့ ပြန်လည်နေရာချထားရေး ၀န်ကြီးဌာနရဲ့ အဆိုအရ ရေကြီးမှုကြောင့် ဘေးဒုက္ခရောက်နေသူ ၃၃၀,၀၀၀ ကျော်အထိ ရှိသွားပြီလို့ ဆိုပါတယ်။