![[IMG]](https://78.media.tumblr.com/d5a502bfc2544b1b0c3f1625ef10c913/tumblr_mv4zqcNwFj1s1va72o1_400.gif)
FUCI လို့ အမည်ပေးထားတဲ့ စမတ်စက်ဘီး တစ်မျိုးကို အမေရိကန်ပြည်ထောင်စု၊ ကယ်လီဖိုးနီးယားပြည်နယ် အခြေဆိုက် Specialized အမည်ရ စက်ဘီးထုတ်လုပ်ရေး ကုမ္ဗဏီမှ ထုတ်လုပ်လိုက်ပါတယ်။ FUCI လို့အမည်ပေးထားပြီး concept stage ပဲ ရှိသေးတာကြောင့် ဈေးကွက်ရောက်ရှိဖို့ အနည်းငယ် စောနပါသေးတယ်။
စက်ဘီးရဲ့ လက်ကိုင်အလယ်မှာ စမတ်ဖုန်း ထည့်ထားလိုက်ပြီဆိုရင် စမတ်ဖုန်းကို dashboard ပမာ အသုံးပြုနိုင်မှာ ဖြစ်ပါတယ်။ စက်ဘီးက လျှပ်စစ်စက်ဘီးလည်း ဖြစ်ပါတယ်။ လစ်သီယွန်ဘက်ထရီ ပါဝင်ပြီး နေရောင်ခြည် စွမ်းအင်တောင် အသုံးပြုနိုင်ဖို့ ဖန်တီးအုံးမှာ ဖြစ်ပါတယ်။ GPS, သံလိုက်အိမ်မြောင် တို့အပြင် အာရုံခံ စနစ်များလည်း ပါဝင်တာကြောင့် နေ့နဲ့ညကိုလည်း ခွဲခြားနိုင်တာကြောင့် မီးများကို အလိုအလျောက် ဖွင့်ပေး နိုင်ပါတယ်။
စက်ဘီးရဲ့ ဒီဇိုင်းကတော့ ပုံမှာ မြင်တွေ့ရသလိုပဲ အမြင်အားဖြင့် အင်မတန် ထူခြားနေပါတယ်။ ယင်းဟာ စက်ဘီးလောကို ပြောင်းလဲသွားစေမယ့် ဒီဇိုင်းဖြစ်ကြောင်းလည်း ကုမ္ဗဏီမှ ဂုဏ်ယူဝင့်ကြွားစွာ ပြောဆိုထား ပါတယ်။ စက်ဘီးကို အားကစားအတွက်ကော၊ လုပ်ငန်းသွားလာရေး အတွက်ကော အမျိုးမျိုး အသုံးပြုနိုင်ပြီး အနာဂတ်မှာ ရေပန်းစားလာမှာ ဖြစ်ကြောင်း မိတ်ဆက်ပွဲမှာ ပြောကြားခဲ့ ပါတယ်။ စမ်းသပ်မှုမှာ LG G4 ကို တပ်ဆင် ပြသခဲ့ ပါတယ်။
Ref: dailymail
အောင်ခမ်း (MMA)
Ref: dailymail
အောင်ခမ်း (MMA)
No comments:
Post a Comment