လမ်းဘေးရပ်ထားသည့် ထရပ်ကားကို ဆိုင်ကယ်ဖြင့်တိုက်၍ တစ်ဦးသေဆုံး

 ကော့သောင်း စက်တင်ဘာ ၃ဝ

 ကော့သောင်းမြို့ ကော့သောင်း-ဘုတ်ပြင်း အဝေးပြေးလမ်း မိုင်တိုင်အမှတ်(၂၂၆/၅) ၁ဝ မိုင် ကျေးရွာအနီးတွင် လမ်းဘေးချရပ်ထားသည့် မော်တော်ယာဉ်အား အရှိန်ပြင်းပြင်းမောင်းနှင်လာ သည့် ဆိုင်ကယ်တစ်စီးက နောက်မှဝင်တိုက်သဖြင့် ဆိုင်ကယ်မောင်းလာသူ သေဆုံးပြီး တစ်ဦး ဒဏ်ရာရခဲ့ကြောင်း သိရသည်။

စက်တင်ဘာ ၂၈ ရက် မွန်းလွဲ ၂ နာရီ ၁၅ မိနစ်က ယာဉ်မောင်း ဦးအဝမ်း မောင်းနှင်သည့် တိုယိုတာအမျိုးအစား ထရပ်ကားသည် ယာဉ် စက်ချွတ်ယွင်းသဖြင့် ၁ဝမိုင်ကျေးရွာအနီး လမ်းဘေးချရပ်နားထားစဉ် (၁ဝ)မိုင်ကျေးရွာနေ အငယ်လေး(ခ)သီဟတင်စိုး(၁၉ နှစ်) မောင်းနှင် လာပြီး ငဖား(ခေါ်) နိုင်နိုင်ဝင်း(၂ဝ နှစ်)လိုက်ပါ လာသည့် ဆိုင်ကယ်က အရှိန်ပြင်းစွာမောင်းနှင် လာပြီး မိုးရွာသွန်းထားသဖြင့် အရှိန်မထိန်းနိုင်ဖြစ် ကာ ထရပ်ကားနောက်ပိုင်းကို ဝင်တိုက်မိခဲ့ခြင်း ဖြစ်ကြောင်း၊ ဆိုင်ကယ်ပေါ်ပါသူ အငယ်လေးနှင့် နိုင်နိုင်ဝင်းမှာ ပြင်းထန်စွာဒဏ်ရာရရှိသဖြင့် မြို့နယ်ယာဉ်ထိန်းရဲတပ်ဖွဲ့နှင့် ကျေးရွာတာဝန် ရှိသူများက ကော့သောင်းခရိုင်ပြည်သူ့ဆေးရုံ သို့ အတွင်းလူနာအဖြစ် တင်ပို့ပေးခဲ့ရာ ဆိုင်ကယ် မောင်းနှင်သူ အငယ်လေးမှာ ဆေးရုံအရောက်တွင် သေဆုံးခဲ့ကြောင်း သိရသည်။ ဖြစ်စဉ်နှင့်စပ်လျဉ်း၍ ကော့သောင်းမြို့ ယာဉ်ထိန်းရဲတပ်ဖွဲ့စုက အမှုဖွင့် အရေးယူ ဆောင်ရွက်လျက်ရှိကြောင်း သိရ သည်။

ကျော်စိုး(ကော့သောင်း)
Myanmaalinn
https://www.facebook.com/MYANMAALINNNEWS