တစ်ရွာတည်းသားချင်း အရက်အတူသောက်ရာမှ လူသတ်မှုဖြစ်ပွား

 အောင်လံ အောက်တိုဘာ ၄

 အောင်လံမြို့နယ်တွင် တစ်ရွာတည်းသားချင်း အရက်အတူသောက်ရာမှ စကားများရန်ဖြစ်ပြီး လက်လွန်သွားသည့်လူသတ်မှု အောက်တိုဘာ ၂ ရက်က ဖြစ်ပွားခဲ့ကြောင်း သိရသည်။

ဖြစ်စဉ်မှာ အောက်တိုဘာ ၂ ရက် ညနေ ၅ နာရီ ၃၅ မိနစ်က ဦးသိန်းအေး နှင့်စိုးမြိုင်တို့ စိုးမြိုင်၏နေအိမ်အောက်ထပ်တွင် အရက်အတူသောက်ရာမှ စကားများကြပြီး ဦးသိန်းအေးက နေအိမ်ရှေ့သို့ထွက်သွားစဉ် လမ်းမပေါ် အရောက် ဦးစိုးမြိုင်သည် နောက်မှ ဓားဖြင့်လိုက်ခုတ်သဖြင့် ဦးသိန်းအေး ဒဏ်ရာများရရှိပြီး ဆေးရုံသို့ ပို့ဆောင်ဆေးကုသစဉ် သေဆုံးသွားခဲ့ခြင်း ဖြစ်ကြောင်း တရားလို၏တိုင်ကြားချက်အရ သိရသည်။

ဦးသိန်းအေးသေဆုံးမှုနှင့်ပတ်သက်၍ စိုးမြိုင်ကို အရေးယူပေးပါရန် ဦးသိန်းအေး၏သားဖြစ်သူ ကိုလှမိုးက တရားလိုပြုတိုင်ကြားခဲ့သဖြင့် အောင်လံမြို့နယ် ဒုရင်္ဂဗိုလ်နယ် မြေရဲစခန်းက အမှုဖွင့်အရေးယူထားကြောင်း သိရသည်။ ကျော်ဇေယျ(မကွေး)

Myanmaalinn
https://www.facebook.com/MYANMAALINNNEWS