စက်ဘီးပြိုင်ပွဲတွင်ဘီးပေါက်ခဲ့သော်လည်း စက်ဘီးကိုထမ်းကာ ပန်းတိုင်သို့ရောက်အောင်သွားခဲ့သူ

ဗြိတိန်နိုင်ငံ Daily Mail သတင်းဌာန၏ ဒီဇင်ဘာလ ၁၇ ရက်နေ့သတင်းအရ စပိန်နိုင်ငံ Cantabria တွင်ကျင်းပပြုလုပ်ခဲ့သော စက်ဘီးပြိုင်ပွဲတစ်ခုတွင် ပြိုင်ပွဲဝင်တစ်ဦးဖြစ်သူ Ismael Esteban မှ ပန်းတိုင်နှင့်မီတာ ၃၀၀ အကွာအဝေးတွင်သူ၏စက်ဘီး၊ဘီးပေါက်သွားခဲ့သော်လည်း ဇွဲမလျှော့ပဲ စက်ဘီးကိုထမ်း၍ပန်းတိုင်သို့ ရောက်အောင်သွားခဲ့သည်။

သူ့နောက်တွင် ကျန်ရှိနေသည့်ပြိုင်ပွဲဝင်များကလည်း လေးစားသမှုဖြင့် ကျော်တက်ရန်မကြိုးစားခဲ့ကြောင်း သိရသည်။ ယင်း ဗီဒီယိုအား ၀က်ဆိုဒ်ပေါ်သို့တင်လိုက်ရာ တစ်ကမ္ဘာလုံး share လုပ်သူထောင်ကျော်ခဲ့သည်ဟုသိရှိရသည်။ ဗီဒီယိုထဲတွင် အသက် ၃၂ နှစ်ရှိပြီဖြစ်သော Esteban ၏နောက်မှ မိနစ်အနည်းငယ်အကြာတွင် အသက် ၃၇ ခုနှစ်အရွယ်Agustin Navarro မှလိုက်ပါလာခဲ့ကာ သူ့အားလွယ်ကူစွာကျော်ဖြတ်၍ တတိယနေရာသို့ရရှိနိုင်သော်လည်း Esteban၏အားကစား စိတ်ဓာတ်အား လေးစားသောကြောင့် ကျော်တက်ခြင်းမပြုပဲ ပြိုင်ပွဲပြီးဆုံးသည်အထိနောက်မှလိုက်ခဲ့ကြောင်း သိရှိရသည်။

ပြိုင်ပွဲဝင်နှစ်ဦးစလုံးပန်းတိုင်သို့ဝင်ရောက်ချိန်တွင် ပရိသတ်များ၏လက်ခုပ်သြဘာ အားပေးသံများ ထွက်ပေါ်လာခဲ့သည်။ Agustin Navarro ၏ လူကြီးလူကောင်းဆန်သော လုပ်ရပ်အား ၀က်ဆိုဒ်ပေါ်ရှိသူများကချီးမွမ်းမဆုံးဖြစ်ခဲ့ကြသည်။ Agustin Navarro မှလည်းပန်းတိုင်သို့မရောက်ခင် ကျော်တက်ခြင်းသည် ကျင့်ဝတ်နှင့်မညီသောလုပ်ရပ်ဖြစ်ကြောင်း ပြောကြားသွားခဲ့သည်။ ထိုနည်းတူစွာပင်ပို၍အံ့သြစေသည်မှာ Esteban မှသူ၏ဆုတံဆိပ်အား Agustin Navarro အား ပေးရန်ကြိုးစားခဲ့သော်လည်း ငြင်းပယ်ခဲ့ကြောင်းသိရသည်။

( China.com )

http://myanmar.china.com/