ဧရာဝတီလင်းပိုင်ကို မြစ်ဝကျွန်းပေါ်ရှိ စာဖြူကြီးခွနေရာတွင် ထူးဆန်းစွာတွေ့ရှိဟုဆို

ရန်ကုန် သြဂုတ် ၂ဝ

ဧရာဝတီမြစ်ဝကျွန်းပေါ်ဒေသ၏ ကျိုက်လတ်နှင့် ဖျာပုံမြို့ကြားရှိ စာဖြူကြီးခွ မြစ်ဆုံနေရာတွင် ဧရာဝတီ လင်းပိုင်တစ်ကောင် ရောက်ရှိကျက်စား လျက်ရှိကြောင်း ဒေသခံများနှင့် ယင်းနေရာကို ရေယာဉ်များဖြင့် ဖြတ်သန်း သွားလာနေသည့်သူများ၏ ပြောကြားချက်အရ သိရသည်။

''တွေ့တာတော့ တစ်နှစ်လောက် ရှိနေပြီ ၊ သူ့ဘာသာသူရောက်လာတာ၊ ဒီက တံငါနဲ့ ရေလုပ်သားတွေက သူ့ကို ရန်မပြုတော့ ‘ဒီခွဆုံမှာပဲနေ တယ်၊ သင်္ဘောကြီးတွေလာရင် တစ်ခါ တလေ ထခုန်တတ်တယ်။ ပတ်ဝန်း ကျင်ကိုလည်း အနှောင့်အယှက်မပေး တော့ သူ့ကိုလည်း ဘယ်သူမှ မနှောင့် ယှက်ဘူး။ ရှားပါးသတ္တဝါမှန်းတော့ မသိဘူးဗျ၊ ရုပ်ရှင်တွေထဲက လင်းပိုင် လိုတော့ နှုတ်သီးမရှည်ဘူး၊ နှုတ်ခမ်း လုံးလုံး အရောင်ကညိုညို ငါးပေ ကျော် ခြောက်ပေလောက်ရှိတယ်။ ကျွန်တော် ဖြတ်သွားတိုင်း ရက်ခြား ဆိုသလိုတွေ့ရတတ်တယ်။ ကျွန်တော် တို့အပြင် အခြားသူတွေလည်း ခဏ ခဏ တွေ့နေရတာပါ''ဟု စာဖြူကြီးခွ ပတ်ဝန်းကျင်မြစ်ထဲတွင် ငါးဖမ်း လုပ်ငန်းလုပ်ကိုင်သူ ဦးမျိုးကြည်က ပြောသည်။

ထို့အတူ ရန်ကုန်မှ ဧရာဝတီ မြစ်ဝကျွန်းပေါ်မြို့များသို့ ကုန်စည် ပို့ဆောင်ရေးလုပ်ငန်း လုပ်ကိုင်နေသူ ဦးကျော်နိုင်ကလည်း ''ကျွန်တော့် သင်္ဘောနဲ့ အသွားအပြန် အဲ့ဒီနေရာ ရောက်တိုင်း သူ့ကို ခဏခဏ တွေ့ ရတတ်တယ်။ ရာသီဥတုကောင်းတဲ့ အချိန်ဆို ပိုတွေ့ရတတ်တယ်၊ တွေ့ ရင်လည်း တစ်ကောင်တည်းပဲ တွေ့ရ တတ်တယ်။ အရင်က သူတို့ကို ဧရာဝတီမြစ်အထက်ပိုင်းမှာပဲ တွေ့ရ တယ်လို့ သိထားတာ၊ အခု ‘ဒီလို မြစ်ဝကျွန်းပေါ်မှာတွေ့တော့ ထူးဆန်း တာပေါ့ဗျာ။

ရှားပါးသတ္တဝါလည်းဖြစ် နိုင်ငံတကာက အချို့နိုင်ငံတွေမှာ ရှိပေမယ့်လည်း ဧရာဝတီမြစ်ကြီးကို အစွဲပြုပြီး ဧရာဝတီလင်းပိုင်လို့ခေါ်ရတာဆိုတော့ သက်ဆိုင်ရာက လာ ရောက် ကာကွယ်စောင့်ရှောက်မယ်ဆို ပိုကောင်းပါတယ်ဗျာ။ ‘ဒီဘက်က လူတွေက သူ့ကို ‘ဒုက္ခမပေးဘူး ဆိုပေမယ့် သူ့ဘာသာသူ ပိုက်ထဲ ဝင်တိုးတာတို့မျိုးဖြစ်မှာ စိုးရိမ်ရ တယ်''ဟု စာဖြူကြီးခွတွင် တွေ့ရသည့် ဧရာဝတီလင်းပိုင်နှင့် ပတ်သက်၍ ၄င်း၏အမြင်ကိုပြောသည်။

ထိုကဲ့သို့ ဧရာဝတီလင်းပိုင်ကို မြစ်ဝကျွန်းပေါ်ဒေသ၏ စာဖြူကြီး ခွတွင် တွေ့ရခြင်းနှင့်ပတ်သက်၍ မြန်မာနိုင်ငံ ငါးလုပ်ငန်းအဖွဲ့ချုပ်၏ အထွေထွေ အတွင်းရေးမှူးဖြစ်သူ ဦးဝင်းကြိုင်က ''ကျွန်တော်တို့သိထား တာကတော့ ဧရာဝတီလင်းပိုင်တွေက မြန်မာနိုင်ငံမှာဆို မန္တလေးအထက် ပိုင်း တကောင်းတို့၊ ကသာတို့ဘက်မှာ ပဲနေတယ်လို့ သိထားတာပါ။ အခုလို မြစ်ဝကျွန်းပေါ်မှာ တွေ့တယ်ဆိုတော့ ထူးဆန်းတယ်လို့ ပြောရမှာပါ။ သူဘယ်ကလာလဲ၊ အထက်ဘက်ကပဲ စုန်ဆင်းလာသလား။ ပြီးရင် ထိန်းသိမ်း စောင့်ရှောက်မှုတွေ ဆက်လုပ်သွားဖို့လိုပါတယ်၊ ဒေသခံ တွေကိုလည်း ဧရာဝတီလင်းပိုင်နဲ့ ပတ်သက်တဲ့ ဗဟုသုတတွေ ဖြန့်ဝေ ပေးရမှာပါ''ဟု ၄င်း၏ အတွေ့အကြုံ နှင့် အမြင်ကို သုံးသပ်ပြောကြားခဲ့ သည်။

ဧရာဝတီ လင်းပိုင်များသည် မြန်မာနိုင်ငံတွင် ရေလုပ်သားများနှင့် အကျိုးတူပူးပေါင်း၍ ငါးရှာဖွေ ဖမ်းဆီးသည့်ဓလေ့ Cooperative Fishing Practice) ရှိသည့် တစ်ခုတည်းသော ရှားပါးသတ္တဝါ ဖြစ် ကြောင်းသိရပြီး ၎င်းတို့ အများဆုံး ကျက်စားရာ မန္တလေးတိုင်းဒေသကြီး မင်းကွန်းမှ စစ်ကိုင်းတိုင်းဒေသကြီး ကျောက်မြောင်းအထိ ၇၂ ကီလို မီတာ အရှည်ရှိသည့် ဧရာဝတီမြစ် ကြောင်းကို ငါးလုပ်ငန်းဦးစီးဌာနက ဧရာဝတီလင်းပိုင် ထိန်းသိမ်းကာကွယ် စောင့်ရှောက်ရေးနယ်မြေ (Ayeyarwaddy Dolphin Protected Area) အဖြစ်သတ်မှတ်ပြီး သားငှက် ထိန်းသိမ်းရေးအဖွဲ့ (Wildlife Conservation Society - WCS) နှင့် ပူးပေါင်း၍ ဆောင်ရွက်လျက် ရှိကြောင်း သိရသည်။

မြန်မာနိုင်ငံတွင် ဧရာဝတီ လင်းပိုင် များမှာ ၂ဝ၁၄ ခုနှစ် စာရင်းများအရ ကောင်ရေ ၆ဝ ကျော်ခန့်သာ ကျန် ရှိတော့ကြောင်းသိရပြီး စာဖြူကြီး ခွတွင် ကျက်စားနေထိုင်နေသည့် ဧရာဝတီလင်းပိုင်ကို ယနေ့အချိန် အထိ တွေ့မြင်နေရသေးကြောင်း ယင်းဒေသတွင် သွားလာနေသူများနှင့် ဒေသခံများ၏ ပြောကြားချက်အရ သိရသည်။ ။

သတင်း-သီဟသူ
ဓာတ်ပုံ-ဘအေး
Myanmaalinn
https://www.facebook.com/MYANMAALINNNEWS