![[IMG]](https://78.media.tumblr.com/d5a502bfc2544b1b0c3f1625ef10c913/tumblr_mv4zqcNwFj1s1va72o1_400.gif)
ချယ်လ်ဆီးကွင်းလယ်လူဟောင်း Andre Schurrle က နည်းပြ Mourinho ၏ ယုံကြည်မှုကို မရခဲ့သဖြင့် အသင်းကို စွန့်ခွာခဲ့ရခြင်းဖြစ်ကြောင်း ထုတ်ဖော်ပြောကြားခဲ့သည်။
ဂျာမနီလက်ရွေးစင် ကစားသမားဟာ ချယ်လ်ဆီးအတွက် ပထမရာသီမှာ ရှစ်ဂိုးအထိသွင်းယူ နိုင်ခဲ့ပြီး ကွင်းလယ်ကနေ ဖန်တီးမှု အကြိမ်ရေတော်တော်များများကိုလည်း ပြုလုပ်ပေးနိုင်ခဲ့ပါတယ်။
ဒါပေမယ့် ဒုတိယရာသီဝက်အရောက်မှာ နည်းပြရဲ့ ယုံကြည်မှုကိုပျောက်ဆုံးခဲ့ပြီး နေရာပျောက်သွားခဲ့တာပါ။ ဒါကြောင့်သူဟာ စတမ်းဖို့ဒ်ဘရစ်ခ်ျကို စွန့်ခွာခဲ့ပြီး ဂျာမန်မြေက ဝုလ်ဖ်ဘတ်အသင်းကို ပြန်လည်ပြောင်းရွှေ့ခဲ့ပါတယ်။
" ကျွန်တော်ဟာ ချယ်လ်ဆီးမှာ အကောင်းဆုံးပုံစံကို ပြသနိုင်ခဲ့ပါတယ်လို့ ကိုယ့်ကိုကိုယ်ထင်မိပါတယ်။
ဒါပေမယ့် ဒုတိယရာသီမှာ နည်းပြရဲ့ယုံကြည်မှုကို မရခဲ့ပါဘူး။ ကျွန်တော့်ကို ပွဲဦးထွက်အဖြစ် အသုံးပြုခဲ့တာ ရှားလွန်းခဲ့ပါတယ်။ အရန်ကစားသမားအဖြစ်ပဲ သဘောထားခဲ့ပါတယ်။ သူဟာ ကြီးကျယ်ခမ်းနားတဲ့ နည်းပြတစ်ဦးပါ။ ဒါပေမယ့် သူ့ရဲ့ ထင်မြင်ချက်တွေကလည်း တစ်ခါတစ်လေတော့ ဆိုးရွားလွန်းပါတယ် " လို့ပြောသွားခဲ့ပါတယ်။
သူဟာ ဝုလ်ဖ်ဘတ်အသင်းမှာလည်း ပျော်ရွှင်နေပါပြီလို့ ထပ်လောင်းပြောပြသွားခဲ့ပါတယ်။
(Paing A K)
#သစ်ထူးလွင်(အားကစား)
No comments:
Post a Comment