ယာဉ်ကျော်တက်စဉ် အရှိန်မထိန်းနိုင်သဖြင့် ယာဉ်တိုက်မှုဖြစ်

 ရန်ကုန် နိုဝင်ဘာ ၁၉

 သန်လျင်မြို့နယ် ကျိုက်ခေါက်ဘုရားလမ်းအတိုင်း မြောက်မှတောင်သို့ ယာဉ်မောင်း ဦးအေးသွင်(၅၂ နှစ်) သင်္ဃန်းကျွန်းမြို့နယ်နေသူမောင်းနှင်လာသော ယာဉ် အမှတ်2H/--- တိုယိုတာဒိုင်နာ အဖြူရောင်ယာဉ် သည် နိုဝင်ဘာ ၁၉ ရက် ညနေ ၃ နာရီခွဲခန့်က မြရွှေဝါ ဆန်စက်ရှေ့အရောက် ယာဉ်ကြောတူ ရှေ့၌ မောင်းနှင် လျက်ရှိသော ယာဉ်ကိုကျော်တက်စဉ် အရှိန်မထိန်း နိုင်ဘဲ မျက်နှာချင်းဆိုင်မှ ယာဉ်မောင်း ဦးစန်းအောင် (၄၇ နှစ်) ဒဂုံဆိပ်ကမ်းမြို့နယ်နေသူ မောင်းနှင်လာ သောယာဉ်အမှတ် 4G/---- ဟွန်ဒိုင်းအဖြူရောင် ၁ဝ ဘီး ဆီသယ်ယာဉ်ကို ဝင်ရောက်တိုက်မိခဲ့သည်။

အဆိုပါယာဉ်တိုက်မှုကြောင့် ယာဉ်မောင်း ဦးအေးသွင် တွင် ဒဏ်ရာဖြင့် အခင်းဖြစ်နေရာတွင်သေဆုံးသွားခဲ့ပြီး ယာဉ်မောင်းကိုအား ခက်ခဲစွာဆွဲထုတ်ခဲ့ရကြောင်း သိရ သည်။ အဆိုပါယာဉ်တိုက်မှုကို သန်လျင်မြို့မရဲစခန်းက အမှုဖွင့်အရေးယူဆောင်ရွက်လျက်ရှိကြောင်း သိရသည်။

သန်းဝင်း(သန်လျင်)
Myanmaalinn
https://www.facebook.com/MYANMAALINNNEWS